• barnefamiliar
• trygda
• sosialt vanskelegstilte
• personar med introduksjonsstønad
• personar som deltar i kvalifiseringsprogram i regi av NAV-kontor

Krav til husstanden:

Husstanden har låge inntekter og høge bukostnader. Studentar og militære er ikkje med i ordninga. Studentar som har eige barn eller som deltar i kvalifiseringsprogram eller attføring, kan få bustønad likevel.

Krav til bustaden:

• Bustaden må vere godkjent som heilårsbustad
• Bustaden må vere ein sjølvstendig bustad og ha eigen inngang
• Bustaden må ha eige bad og toalett og det må vere høve til å kvile og å lage mat

I spesielle tilfelle kan det gjerast unntak frå utleigebustader som kommunen disponerer, som bufellesskap og liknande.

Kommunen tar imot søknadene, registrerer dei og har den løpande kontakten med deg. Maskinelt blir det henta inn opplysningar frå ei rekkje offentlege instansar som for eksempel Folkeregisteret, Likningsregisteret og NAV. Husbanken gjer det formelle vedtaket om stønad.

Har du fått innvilga bustønad, treng du ikkje søkje kvar månad, men du må melde frå om endringar som har noko å seie for stønadsforholdet. Dersom du flyttar, må du søkje på nytt og gje nye opplysningar.