Tenesteområde

Tenestebeskrivelse

Hjelpetiltak frå barnevernstenesta

Når barnet på grunn av forholda i heimen eller av andre grunnar har særleg behov for det, skal barnevernstenesta sørgje for å setje i verk hjelpetiltak for barnet og familien. Omsynet til det som er det beste for barnet, er avgjerande.

Slike hjelpetiltak kan vere rettleiing, støttekontakt, besøksheim og økonomisk hjelp. Formidling av plass i fosterheim og institusjon kan også vere hjelpetiltak. Barn skal bu heime så sant det er mogleg. Ein legg vekt på å finne årsakene til vanskane og drøfte dei med foreldra og barnet.

Omtale av tenesta

Målgruppe

Born under 18 år. Når barnet samtykkjer, kan tiltak førast vidare til barnet har fylt 23 år.

Kriterium

Behov for hjelpetiltak må vere dokumentert.

Barnevernets hjemmeside

Kontaktinformasjon

Namn

Setesdal Barnevern

Adresse

Postboks 4, 4747 Valle

Tlf

37937500

Besøksadresse

Helsehuset i Valle, 4747 Valle

Ansvarleg eining

NAV - Bykle

Søknadsprosess

Rettleiing

Foreldre, vener, grannar, barnehage/skule, helsestasjon, osb. som ser at eit barn treng eit hjelpetiltak, kan melde frå til barnevernstenesta.

Klagemuligheit

Det vil bli gjort eit vedtak. I vedtaket går det fram om barnet/familien har fått tildelt tjenesta eller ikkje, og kva tenesta eventuelt omfattar. Du kan klage innan ein frist på tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra i vedtaket og grunngje det. Kommunen vil kunne gje deg rettleiing. Klageinstans er Fylkesmannen. Før klaga blir sendt dit, skal den instansen i kommunen som gjorde vedtaket, vurdere om det er grunn til å endre det.

Merknader

Barn skal bu heime så sant det er mogleg. Når forholda i heimen tilseier det, eller når barnet av andre grunnar har særleg behov for det, kan barnevernstenesta setje i verk hjelpetiltak for å betre situasjonen til barnet. I slike tilfelle legg ein vekt på å finne årsakene til vanskane og drøfte dei med foreldra og barnet. Omsynet til det som er det beste for barnet, skal vere avgjerande for kva for hjelpetiltak som blir sette i verk.