Dersom det er gjort eit vedtak i saka di, skal vedtaket innehalde opplysningar om korleis du klagar til eit høgare forvaltningsorgan som kan overprøve avgjerda i saka. Du må først ha nytta dette høvet til å klage før du kan klage til Sivilombodsmannen.

Å klage til Sivilombodsmannen er gratis.

Klagen må vere skriftleg og underteikna. Du kan nytte vanleg brev eller klageskjema (sjå lenkja under Søknadsskjema). Det er viktig at du forklarer kva forvaltningsorgan (kommune, direktorat, departement eller anna) det gjeld. Du bør òg forklare kva for feil du meiner at forvaltninga har gjort. Er det eit konkret vedtak du meiner er feil, bør du oppgje dato for vedtaket og helst leggje ved ein kopi. Treng du hjelp til å setje opp klaga, kan du kontakte Sivilombodsmannen sitt kontor og gjere ein avtale – anten om rettleiing på telefon eller ved oppmøte.

Alle dokument som du trur kan opplyse saka. Det er ikkje nødvendig å skaffe alle saksdokumenta. Dersom Sivilombodsmannen skal behandle saka, blir alle dokumenta innhenta frå forvaltninga.

Ein saksbehandlar vil først gå gjennom klaga og vurdere om ho skal behandlast av Sivilombodsmannen. Dersom det er grunnlag for det, blir det forvaltningsorganet du klagar på, bedt om å gjere nærmere greie for saka. Du vil så få høve til å kommentere svaret. Til slutt vil Sivilombodsmannen uttale si meining om saka. Forvaltninga retter seg i praksis etter Sivilombodsmannen sine synspunkt, men er etter lova ikkje forplikta til det.