Tenesteområde

Tenester i Bykle - kategorisert > Landbruk, næring og utmark

Tenestebeskrivelse

Bu- og driveplikt på landbrukseigedom

Er du eigar av ein eigedom med jordbruksareal, har du plikt til å sørgje for at jorda blir driven i heile eigartida. Driveplikta kan oppfyllast ved at du sjølv driv arealet eller leiger bort arealet som tilleggsjord til ein annan landbrukseigedom for minimum 10 år om gongen. Er du ny eigar, må du innan eitt år ta stilling til om du ønskjer å drive arealet sjølv eller leige det bort. For å få fritak frå driveplikta, må du sende søknad til kommunen. Kommunen kan gi fritak for ei viss tid eller varig. Det kan også stillast vilkår for fritaket.

Omtale av tenesta

Målgruppe

Eigarar av jordbruksareal (som omfattar fulldyrka jord, overflatedyrka jord og innmarksbeite)

Kriterium

Kommunen vil leggje vekt på:

Kor viktig det er å halde jordbruksarealet i hevd
Arealets storleik og avkastningsevne
Om det er bruk for jordbruksarealet som tilleggsjord i det området der eigedomen ligg
Søkjarens livssituasjon

Kontaktinformasjon

Namn

Rådmannsstaben

Adresse

Rådhuset, 4754 Bykle

Tlf

37 93 85 00

E-post

postmottak@bykle.kommune.no

Besøksadresse

Rådhuset, 4754 Bykle

Ansvarleg eining

Rådmannsstaben

Søknadsprosess

Rettleiing

Du kan kontakte kommunen for å få hjelp til å søkje om fritak for eller utsetjing av bu- og driveplikta.

Vedlegg

Kart over eigedommen

Søknadsfrist

Innan eitt år frå overtakingsdato.

Handsaming

Kommunen skal innhente dei opplysningane som er nødvendige for å avgjere saka. Deretter fattast det eit vedtak. Til vanleg får du ei grunngjeving samstundes med vedtaket. Du får alltid ei grunngjeving viss det kan tenkjast at du blir misnøgd med vedtaket. Viss grunngjevinga ikkje følgjer med, kan du få den ved å vende deg til kommunen innan klagefristen for vedtakets utløp

Klagemuligheit

Både du som søkjar og andre med rettsleg klageinteresse kan klage viss du eller de er misnøgde med vedtaket. Fristen er tre veker frå vedtaket er motteke. Forklar kva du er misnøgd med og kvifor du meiner vedtaket bør endrast. Viss du treng rettleiing, kan du vende deg til kommunen. Opprettheld kommunen avgjerda si, blir saka sendt vidare til Fylkesmannen som avgjer om klaga skal takast til følgje.