Tenesteområde

Tenester i Bykle - kategorisert > Oppvekst, skule og utdanning

Tenestebeskrivelse

Barnehage - etablering og drift

Før ein kan setje i drift ein barnehage, skal han godkjennast av kommunen. Barnehagar som oppfyller dei tre kriteria/vilkåra i feltet under, må ha godkjenning. Barnehagar som ikkje oppfyller desse kriteria (til eksempel ope barnehagar) kan velje å søkje godkjenning. For å få godkjenning, pliktar barnehageeigaren å drive verksemda i tråd med gjeldande regelverk når det gjeld både pedagogisk innhald og helse, miljø og tryggleik. Krava er blant anna:

Vedtektene til barnehagen skal blant anna gje opplysningar om formål, opptakskriterium og opningstider
For å sikre samarbeidet med heimane til barna skal kvar barnehage ha eit foreldreråd og eit samarbeidsutval
Barnehagen skal føre internkontroll

Godkjende barnehagar får statleg driftstilskot og eventuelt kommunalt tilskot.

Omtale av tenesta

Målgruppe

Barnehageeigarar

Kriterium

For barnehagar som må ha godkjenning, gjeld:

Barnehagen skal drivast på regelmessig basis og minst eitt av barna vil opphalde seg i barnehagen i meir enn 20 timar i veka
Talet på barn som er til stades på same tid, er ti eller fleire når barna er tre år eller meir, eventuelt fem eller fleire når barna er under tre år
Verksemda blir drive mot godtgjering

Etablere barnehage - hjemmeside

Samarbeidspartnarar

Styresmaktene knytte til helsesaker og til plan- og byggjesaker, brannvesenet, arbeidstilsynet.

Kontaktinformasjon

Namn

Informasjonen

Adresse

Rådhuset, 4754 Bykle

Tlf

37 93 85 00

E-post

postmottak@bykle.kommune.no

Besøksadresse

Rådhuset, 4754 Bykle

Ansvarleg eining

Rådmannsstaben

Søknadsprosess

Rettleiing

Kommunen vil kunne rettleie deg om kva godkjenningar/uttaler du som barnehageeigar må skaffe før dei ansvarlege styresmaktene for barnehagane kan godkjenne barnehagen. Du bør derfor tidleg kontakte kommunen for å få informasjon om kva krav kommunen stiller.

Søknadsfrist

Søknadene blir behandla etter kvart som dei kjem inn.

Handsaming

Kommunen tek avgjerd i søknad om godkjenning etter ei vurdering av om barnehagen er eigna etter kva formål og innhald han har. I godkjenninga kan kommunen setje vilkår for drifta med omsyn til talet på barn, kva alder barna har, og opphaldstid.

Klagemuligheit

Du kan klage på vedtaket innan ein frist på tre veker frå du har motteke vedtaket. Klagen sender du til den instansen i kommunen som har gjort vedtaket. I klagen skal du føre opp kva du ønskjer endra i vedtaket og grunngje dette. Kommunen vil kunne rettleie deg. Klageinstans er Fylkesmannen. Før kommunen sender klagen dit, skal den instansen i kommunen som gjorde vedtaket, vurdere om det er grunn til å endre det.