5. - 10. klassingar laga "Verdas største gangarring"!

Ann Cecilie Andersen

Same arrangementet vart skipa til i fjor, men rekorden frå då forsvann ein gong for alle då meir enn 150 deltakarar kasta seg med i dansen i år! Tilskipinga skal markere slutten av eit år med Gorrlaus-prosjektet i skulane. Målet med Gorrlaus, ei satsing for skulane i øvre Setesdal, er å undervise, formidle og ikkje minst synleggjere dei tradisjonelle dansane og folkemusikken her i dalen - tradisjonar som står på Unesco sine lister over imateriell verdsarv!

Sosial oppleving

Å danse gangar er ei både samlande og sosial oppleving. Med så mange Gorrlaus-elevar i sving, sat låtten laust og dansekasta sprella på museumstunet i Bygland! Med instruktørane Vegar Vårdal og Maija Lindaas, og ikkje minst dei fire Evje-ungdomane i Setesdal toradarlag som spelte opp til dans, vart heile dagen i Bygland ei flott oppleving for alle saman! Så er det store spørsmålet: blir det endå fleire neste år? Tida vil vise. Arrangementet i Bygland måndag viste i alle fall til fulle ein kulturarv i levande live - og unge utøvarar som tar tradisjonane med seg vidare inn mot nye tiår!

Ann Cecilie Andersen

Ann Cecilie Andersen