Bykle vaskeri vil ha fleire tilsette!
Nyleg opna Bykle vaskeri, eit samarbeidsprosjekt mellom initiativtakar Bykle kommune, Setpro og NAV. To av fem varig tilrettelagte arbeidsplassar er no tekne, men i vaskeriet vil dei fylle alle plassane!
Publisert av Ole Birger Lien
Publisert 16.04.2024 13:47
Sist endra 16.04.2024 13:47
Åshild Bryggeså i full gang med vasken i Bykle vaskeri.
Ole Birger Lien
Bykle vaskeri er del av Brynje-prosjektet. Formålet med satsinga er å redusere sosial ulikskap og utanforskap. Bykle vaskeri skal i første omgang ta seg av vasken for Bykle sjukeheim, men etter kvart går det tilbod om vasking ut både til lokalt næringsliv og folk flest. Sjølve Brynje-prosjektet er treårig, og budsjettet er kring tre mill. kr.
Redusere sosial ulikskap
Bykle vaskeri skal i første omgang ta seg av vasken for Bykle sjukeheim, men etter kvart går det tilbod om vasking ut både til lokalt næringsliv og folk flest.
– Om dette er av interesse er det bare å kontakte meg på telefon 95283609 eller via ein e-post HIT så tar eg kontakt, seier Åshild Bryggeså ved Bykle vaskeri.
Stillingane ved Bykle vaskeri er for dei som i dag mottek uføretrygd.