DSB med info om eigenberedskap for Totalforsvarsåret 2026

DSB

DSB har i år oppgradert informasjonsmateriell om eigenberedskap, og det kjem til å bli skipa til ulike kurs og webinar i løpet av året. I tillegg skal det utviklast ein kampanje knytta til krisekommunikasjon ved bortfall av e-kom, før den nasjonale eigenberedskapsveka kjem i gang i oktober. I Bykle og Valle har det denne veka altså vore ekstra fokus på temaet - før kommunane også deltek på den nasjonale satsinga om hausten.

Kva er Totalforsvarsåret 2026?

Totalforsvarsåret 2026 er ei nasjonal satsing der Noreg styrkjer samhandlinga mellom det militære forsvaret og det sivile samfunnet for å vere betre førebudd på kriser og – i verste fall – krig. Bakgrunnen er ei alvorlegare sikkerheitspolitisk tid i Europa, prega av mellom anna krigen i Ukraina. Regjeringa har derfor peikt ut 2026 som eit år der heile samfunnet skal trene på beredskap, styrkje motstandskraft og sikre at kritiske samfunnsfunksjonar kan halde fram også under press. Forsvaret og DSB planlegg og gjennomfører ei rekke øvingar og aktivitetar gjennom året, saman med kommunar, næringsliv, frivillige og innbyggjarane. Målet er å gjere landet meir robust, sikre betre samarbeid mellom militære og sivile aktørar, og sørgje for at befolkninga er betre førebudd dersom kriser oppstår.

Her er heimesida til DSB