Folketalsauke på heile 14% i Bykle kommune dei siste åra!

Ole Birger Lien

I utgangen av 3. kvartal i 2020 var det 921 fastbuande i Bykle kommune. I utgangen av 2. kvartal i år er talet 1051. Solid auke, og langt over snittet for kommunar av samanliknbar storleik rundt om i Noreg.

– Veldig gledeleg, og eit godt utgangspunkt for vidare arbeid. Folketal og arbeidsplassar er basisen for lokalsamfunnet, trivsel, dugnadsånd og fellesskap er limet som held alt saman i hop. Me er heldige i Bykle kommune, seier ordførar Hans Blattmann.