Meir enn 200 samla seg for å feire Hovden Torg del 1

Meir enn 200 menneske samla seg til fest for Hovden Torg del 1. Alida Mørenskog

Det var godt oppmøte og stor stemning då fyrste del av Hovden Torg vart markert på Hovden onsdag. Både fastbuande, hyttefolk og tilreisande møtte fram for å vere med på feiringa av prosjektet, som skal skape eit meir levande og attraktivt sentrum på Hovden. Gjennom ettermiddagen samla store og små seg på det nye torgområdet. Mange nytta høvet til å sjå nærare på løysingane som no er på plass, medan andre møttest til ein prat og sosialt samvær i haustsola. For fleire vart markeringa også ein sjans til å sjå korleis sentrumsområdet har utvikla seg dei siste åra.

Samlingsstad

Det nye torgområdet er utforma for å vere ein naturleg samlingsstad i bygda. Under opninga vart det lagt vekt på kor viktig slike møteplassar er for både lokalsamfunnet og reiselivet. Hovden er ein stad med mange besøkande gjennom store delar av året, og kommunen ønskjer å utvikle eit sentrum som inviterer til aktivitet og opphald.

Mange av dei frammøtte gav uttrykk for at dei sette pris på dei nye kvalitetane som no er komne på plass, og fleire nytta høvet til å utforske området saman med familie og vener. Feiringa synte at torget alt no har byrja å finne si rolle som ein sosial møteplass for folk i alle aldrar.

Faktaboks: Hovden Torg-prosjektet

Hovden Torg

• Eit sentrumsutviklingsprosjekt i regi av Bykle kommune.
• Skal skape eit meir attraktivt, funksjonelt og levande sentrum på Hovden.
• Omfattar mellom anna opparbeiding av torgområde, møteplassar, grøntareal og løysingar for ferdsel og opphald.
• Prosjektet er delt inn i fleire byggjetrinn.
• Del 1 er no ferdigstilt og teken i bruk.
• Målet er å styrkje Hovden som heilårs reisemål og som ein god stad å bu og besøkje.
• Prosjektet er ein del av kommunen sitt langsiktige arbeid med stadutvikling og sentrumsfornying.

Lange køar for populære pylser! Einar Andersen