Sherpa-sti og dagsturhytte på Hovden opnar 22. juni

Sherpa-stien og dagsturhytta på Hovden opnar laurdag 22. juni. Bykle kommune

Programmet tar til klokka 13. Dei første 200 som møter opp får servert nistepakke. Stien startar vis a vis Hovden fjellpark 13. Det er parkering ved grendehuset og i sentrum. Turen opp til dagsturhytta tar kring ein time. Det er råd å gå vidare rundt Hovdenuten og ned att merka sti.

Snorklypping

Opningsseremonien ved dagsturhytta tar til klokka 15. Der blir det høgtideleg snorklypping, helsingar og talar. Musikk- og songinnslag blir det også, og sjølvsagt ei omvisning både i hytta og området. For dei minste blir det rigga til aktivitetar både inne og ute! Så er det bare å krysse alle fingar for godt ver, slik at denne dagen kan bli ein skikkeleg bygdefest øvst i dalen!