Snart blir YX Bykle riven og minibanken fjerna

YX-bygget i Bykle skal rivast for å gjere plass for nytt sentrumsbygg. Ole Birger Lien

Så skal ein likevel få fylle drivstoff i Bykle. Det blir etablert eit tankanlegg på sørsida av Coop Prix, og det skal vere operativt når rivinga tar til. I byrjinga kan ein fylle 95 oktan bensin og diesel, og ut på hausten kjem det også farga diesel.

Minibanken forsvinn

I mange år har Valle Sparebank hatt minibank i veggen på YX-bygget. No blir minibanken avvikla. Bruken av minibanken har vorte sterkt redusert dei siste åra, i takt med nye løysingar som til dømes kontantteneste i butikk.

Minibanken i Bykle blir avvikla. Ole Birger Lien