Veterankveld på Evje onsdag skal samle veteranar frå Indre Agder
Onsdag 28. oktober inviterer Evje og Hornnes bibliotek til veterankveld for personar som har tenestegjort i internasjonale operasjonar og oppdrag. Målet er å skape ein møteplass der veteranar kan treffe kvarandre, få fagleg påfyll og lære meir om tilbod og oppfølging i regionen. Arrangementet er del av den nasjonale eigenberedskapsveka.
Publisert av Ole Birger Lien
Publisert 26.10.2026 12:52
Sist endra 26.10.2026 12:52
Stian Solum/Forsvaret
Veterankvelden blir arrangert på Evje og Hornnes bibliotek frå klokka 19.00 til 22.00. Kvelden er retta mot veteranar frå heile Indre Agder og vil by på både aktuelle føredrag og informasjon om arbeidet med kommunale veteranplanar. Veteranar har med seg verdifull erfaring frå krevjande situasjonar, internasjonalt samarbeid og beredskapsarbeid, kunnskap som også har stor verdi i lokalsamfunna.
Styrke fellesskapen
Deltakarane får høve til å utveksle erfaringar, knyte kontaktar og diskutere felles opplevingar med andre som har tenestegjort ute på oppdrag for Noreg. Arrangørane håpar veterankvelden kan bidra til å styrkje fellesskapen blant veteranar i regionen, samstundes som kommunane får høve til å synleggjere arbeidet sitt med oppfølging og anerkjenning av veteranar.
Veterankveld på Evje og Hornnes bibliotek
- Dato: 28. oktober
- Tid: Kl. 19.00–22.00
- Stad: Evje og Hornnes bibliotek, Nils Heglands veg 68, Evje
- Målgruppe: Veteranar frå Indre Agder som har tenestegjort i internasjonale operasjonar og oppdrag
- Program: Føredrag, informasjon om kommunal veteranplan og sosial møteplass
- Arrangementet er del av den nasjonale eigenberedskapsveka
Meir informasjon og påmelding