SFO skal fremje den fysiske og psykiske helsa til barna og bidra til at dei opplever glede og meistring. SFO skal støtte utviklinga av trygge og gode relasjonar barna imellom, mellom barna og personalet og mellom personalet og foreldra til barna. SFO skal fremje inkludering og bidra til at alle barna har moglegheit til å utvikle vennskap. Barna skal få støtte til å meistre motgang, handtere utfordringar og bli kjende med eigne og andre sine kjensler. Barna skal ha moglegheit til både aktivitet og kvile i løpet av tida dei er i SFO.
Forskrift for SFO i Bykle kommune Rammeplan for SFO Årshjul for SFO 2026-2027 (PDF, 203 kB) Informasjonsbrosjyre (PDF, 388 kB)
🕖 Morgon:
• 07.15 – 08.20 – Frileik og frukost
🕞 Ettermiddag:
• 13.30 – Innsjekk
• 13.35 – Mat, kvile, frileik
• 14.30 – Fellesaktivitet / leksehjelp
• 15.30 – Rydding
• 15.30 – 16.00 – Frileik
Tilsette ved Bykle SFO:
Lars Erik Domaas, rektor
Brigitte Haugen, fagleiar SFO
Mette Dale, fagarbeidar + skulekantine
Ann-Katrin Bakke, fagarbeidar
Ingunn Skogheim, fagarbeidar
Kontakt:
Lars Erik Domaas, rektor, Telefon: 95 77 58 88
Brigitte Haugen, fagleiar SFO Telefon: 95 90 59 84
SFO mobil: 48 07 53 35
Foreldrebetaling og gratis SFO
Ein full SFO-plass i Bykle kostar kr 1 500 per månad.
Elevar på 1., 2. og 3. trinn har rett til 12 timar gratis SFO per veke. I Bykle er desse timane lagde til kjernetida etter skuletid.
For elevar på 1.–3. trinn som har full SFO-plass, er foreldrebetalinga kr 750 per månad.
Føresette som ønskjer å nytte berre dei 12 gratis SFO-timane, kan bruke SFO etter skuletid gjennom veka. Morgontilbodet er då ikkje ein del av den gratis plassen.
Det gjeld eigne reglar for søskenmoderasjon og redusert foreldrebetaling.
Påmelding og endring av plass
Påmelding til SFO skjer via Visma Flyt Skole.
Føresette kan søkje, endre eller seie opp SFO-plass digitalt gjennom føresettportalen. Vi brukar også Visma til kommunikasjon og administrasjon.
Ferie og fridagar
SFO er stengt på offentlege fridagar.
Dei to siste heile vekene i juli er SFO stengt.
Påmelding til ferie-SFO må gjerast innan oppsette fristar.
Praktisk informasjon
Barna må ha med klede og utstyr som passar til aktivitet og vêr. Klede og utstyr bør merkast med namn.
Vi legg vekt på at barna:
• er hjelpsame og inkluderande
• viser respekt og lyttar til andre
• følgjer felles reglar
Føresette må melde frå ved fråvær.
Aktivitetar og innhald
Bykle SFO tilbyr aktivitetar innan:
• leik og sosialt samvær
• turar og friluftsliv
• kunst, musikk og kultur
• fysisk aktivitet og rørsleglede
• matlaging og måltidsglede
Vi har faste turdagar, fellesaktivitetar og månadsplanar med tverrfaglege tema.
Gjennom året arbeider vi med:
• folkehelse og livsmeistring
• demokrati og medborgarskap
• berekraftig utvikling
Årshjul
Årshjulet viser kva tema og aktivitetar vi arbeider med gjennom skuleåret. Aktivitetane er organiserte innan leik, kultur, fysisk aktivitet og rørsleglede og mat og måltidsglede. I august arbeider SFO mellom anna med demokrati og medborgarskap gjennom bli-kjend-leikar, samarbeidsaktivitetar, turar i nærmiljøet, felles SFO-reglar og ulike måltidsaktivitetar.
I september er berekraftig utvikling tema, med mellom anna natursti, kunst i naturen, turar i nærmiljøet, friluftsaktivitetar og arbeid med berekraftige matvanar. Gjennom resten av året arbeider vi vidare med dei same hovudområda, tilpassa årstidene og barnegruppa.