Kommunestyret vedtok i møte 30.04.2026 sak 33/2026 detaljregulering Ørnefjell hytteområde planID 202303.
De blir med dette varsla om planvedtaket i samsvar med plan- og bygningslova (pbl.) § 12-12. Den vedtekne reguleringsplanen blir bindande for framtidig arealbruk i området.
Statsforvaltaren i Agder trekte motsegn til planforslaget i forkant av vedtak i kommunestyret.
Plandokument er justert i tråd med vedtaket. Les meir om endringane i saksframlegg og saksprotokollen.
Saksdokument
Plankart, reguleringsføresegner og planbeskriving slik dei blei vedtekne, kopi av saksframlegg og saksprotokoll og andre sentrale saksdokument er tilgjengelege i kommunen sitt planregister. Dersom de ønskjer ein kopi av dokumenta, kan de kontakte informasjonen på tlf. 37 93 85 00.
Eventuelle klagar
I samsvar med pbl. § 12-12 er grunneigarar og andre varsla ved dette brevet, og planvedtaket blir kunngjort i Setesdølen. Fristen for å klage på vedtaket er etter forvaltningslova § 29 sett til 15.06.2026.
Det er mogleg å be om utsett iverksetjing av vedtaket inntil klagefristen er ute eller klagen er avgjord, jf. forvaltingslova § 42. Nærmare orientering om utsett iverksetjing og klagerett er tilgjengeleg saman med saksdokumenta.
Etter at klagefristen er ute, vil vi orientere forslagsstillaren, partar som saka får direkte konsekvensar for, og regionale myndigheiter om eventuelle innkomne klagar på vedtaket.
Erstatning/innløysing
Krav om erstatning etter plan- og bygningslova § 15-2 og krav om innløysing etter den same lova § 15-3 må setjast fram seinast tre år etter at reguleringsplanen er kunngjord.