Rabattar og støtteordningar

Innbyggjarar i Bykle kommune får badetilbod og rabatt på årskort på Hovden Fjellbad.

Årskort på Hovden Fjellbad
 

Sesongkort og fritidsstøtte for barn og unge i Bykle

Bykle kommune vidarefører ordninga med støtte til fritidsaktivitetar for barn og unge.

Skikort og badelandkort:

• Sesongkort ved Hovden Alpinsenter med eigenandel på 1000 kr for dei mellom 7 og 19 år.
• Årskort på Hovden Fjellbad mot ein eigenandel på kr 500 per barn for dei mellom 3 og 19 år.
• Familiar med samla inntekt under 6G kan søkje om fritak frå eigenandelen. Då skal du ikkje tinge kort på nett eller i resepsjonen, men søke kommunen fyrst med dette skjema (skjema aktiverast 9.sept). Frist for å søke fritak frå eigenandelen er 30. september.
• Familiar med tre eller fleire barn får 50 % rabatt frå og med barn nummer tre, dette gjeld begge tilboda.

Støtte til annan fritidsaktivitet dersom barnet ikkje ønskjer skikort, kan familien søkje om støtte til annan fritidsaktivitet. Dette kan til dømes vere deltaking i organiserte fritidsaktivitetar eller kurs.

Bestilling og søknader: Årskort ved Hovden Alpinsenter bestillast på nett, medan årskort ved Hovden Fjellbad kjøpast i resepsjonen. Søknad om fritak frå eigenandel eller ønskje om anna aktivitetstilbod skal sendast til Bykle kommune. Rabatt på 50 % for tredje barn og vidare blir handtert direkte hos alpinsenteret eller fjellbadet ved bestilling av sesong- og årskort.

Slik søkjer du:

Søknad sendast gjennom kommunen sitt digitale søknadsskjema. Frist for å søke skikort er 30. september. Frist for badelandkort er 1. desember. Frist for å søke fritak frå eigenandelen er 30. september 
Har du spørsmål om ordninga, kan du kontakte Bykle kommune ved kommunalsjef for oppvekst og kultur Kjetil Vik.

 

Tilskotsreglar bustadbyggjing – privat/spreidd 

Tilskot spreidd bustadbygging blir gjeve etter gjeldande reglar og i tillegg til tilskott etableringstilskott. Tilskot spreidd bustadbyggjing blir gjeve med kr. 40.000 for vatn og kr. 40.000,- for kloakk.

 a) Tilskot for byggjing av private stikkleidningar fram til offentleg nett i bustadfelt/utanfor bustadfelt blir gjeve med inntil kr. 540,- pr. lm etter framlagde rekningar. Anlegget skal godkjennast før utbetaling skjer. 

b) Tilskot til opprusting av eksisterande private vatn- og avlaupsanlegg blir gjeve med inntil kr. 20.000,- for kloakk og inntil kr. 20.000,- for vatn etter framlagde reikningar/kostnadsoverslag godkjent av plan og utvikling. Plan og utvikling må godkjenne anlegget. Bustad som får tilskot etter dette punkt, kan ikkje få nytt tilskott før etter 10 år. (Tilskotet fylgjer til ein kvar tid gjeldande budsjett). 

Tilskot etter punkt b, gjeld anlegget og ikkje kvar husstand som er tilknytta anlegget. Viss fleire bustadbyggjarar går saman om eit vassforsyningsanlegg, skal søknaden vurderast særskilt utifrå dokumenterte utgifter. 

Nærare sakshandsamingsreglar for tilskott blir delegert kommunedirektøren. 

Generelle vilkår 

Eigar av bustaden må som privatperson vere registrert fastbuande i Bykle kommune før noko tilskot vert utbetalt

Vedteke 24.05.22, kommunestyresak 35/2022 - Revidert 26.01.23 kommunestyresak 4/2023

Startlån (Husbanken)

Bostøtte (Husbanken)

Bykle kommune er ein del av NAV Midt-Agder. 

• NAV-tenester finn du her
• Sosialtenesta vert i samarbeidet drifta av Vennesla kommune.